Pagtangis Ng Walang Luha

Walang araw na hindi ka sumagi sa aking makitid na isipan.
Sa aking pagtulog gabigabi ikaw ang napapanaginipan.
Mga sandaling kay tamis na ating pinagsaluhan.
Ngayo'y isang mapait na alaala na pinagsisisihan.

Pinipilit kong ngumiti at dayain ang aking sarili.
Ngunit kahit anong awat kabiguan ay hindi maikubli.
Ang pagtangis ng walang luha ay isa na lamang libangan.
Dasal ko sa maykapal ay wala namang kahahantungan.

Sinusubukan kong bumangon mula sa aking pagkalugmok.
Puso kong walang tibay ay patuloy sa kanyang paghihimutok.
Payo ng karamihan ay mahalin ang sarili bago magmahal muli.
Subalit hindi nila batid ang pakiramdam ng nakababad sa pusali.

Hanggang kailan ko ba iindahin ang kirot na ayaw humupa.
Ang landas ng paglimot sayo ay patuloy ko pa ring kinakapa.
Pinagtagpi-tagping lakas ng loob ang nagtutulak na lumakad.
Makadama ng pagmamahal ang tangi ko lamang na hinahangad.

Kapag kaya ko ng muling maging masaya hihinto na ang ulan.
Baha na abot hanggang dibdib ay nakakasunog na parang kalan.
Sana may dumampot sa akin mula sa putik na nanlilimahid.
Muling patibukin ang puso kong naninigas at namamanhid.

Sa Aking Pagpikit

Sumisirit,humihilagpos ang mga salita sa bibig ko pero di maaring bitawan.
Pipigilin,Mag-hunosdili ka kung ayaw mo na ikaw ay lubusang masaktan.
Luluha,Pupunasan na lang ang mga damdamin na karapatdapat na itali.
Sisisihin,itutulak palayo ang puso na walang alam kung hindi magkamali.

Hindi ko aaminin,magsinungaling kahit ang katotohanan ay mapagpalaya.
Hahamakin,iwasan ang mga agam-agam tungkol sakanya at ako ay magpaparaya.
Ayokong umasa,susuko na lang sapagkat ang panahon ay wala sa aking kamay.
Hihilutin,uunatin ang utak kong baluktot nang sa iba ay hindi na madamay.

Mawawalan ng ulirat,ngunit magigising sa katotohanan na hindi ka magiging akin.
Tatahimik,pero kakausapin at hahayaan ang ang nararamdaman ay tuluyang palipasin.
Hahawakan,hahablutin ang nakaraan upang matanaw ang aandap-andap na kinabukasan.
Magtatago,Iiwas sa mapupungay mong mga matang nangungusap na parang isang tulisan.

Mabibigo,malulupig ng pagibig na hindi dapat sumibol sa dibidib kong wasak.
Sasaluhin,dadamputin ang mga ngiti mo na tila mula sa kalangitan ay bumagsak.
Nahihirapan,naubusan ng mga kataga na iaalay sayo sa pamamgitan ng isang sulat.
Hangad ko lang ay mabasa mo ang mga walang saysay na talatang ito sa iyong pagmulat.