Kamote Empire: The Many Faces of Hello World

The Many Faces of Hello World Through the Eyes of the Kamote

CLICK TO VIEW ALL PICTURES

Hindi na nagkaroon ng closing program, wala na rin ngang welcome address. Kaya kukunin ko na ang pagkakataon para magpasalamat upang maging matagumpay ang Hello World Day.

Una sa Poong Maykapal para sa lahat
Sa aming Dekana at sa bumubuo ng CCS faculty sa pagsakay sa idelohiya kong kakaiba, taas kilay man nilang tinanggap ay napapayag ko rin
Sa larong "Warhammer 40000 II: Chaos Rising" at Final Fantasy 12, dahil dito ako'y hindi na nakakatulog, nakakakain at nakakaligo (ng maayos). At dahil nasanay akong hindi natutulog ay nakakapagisip ako sa lalim ng gabi ng kung ano ano.
(Sa pinakamasagwang pelikula na napanood ko tungkol sa mga Arabong nagkakarate o kungfu, hindi ko alam ang pamagat, hindi ko alam kung sino ang mga gumanap, napanood ko sa bus. Sa simula ng kwento may isang assassin na matindi kung lumaban, naglalakad siya magisa at hinahanap lahat ng gumawa sa kanya ng masama noon. Isang suntok niya lamang ay tumitilapon ang mga nagtatangkang pigilan siya. *Galit nga pala siya sa mundo dahil Arabo siya at Arabo din asawa niya... pero singkit ang anak nila*) Makalipas ang ilang taon hinanap niya iyong taksil na asawa, iyong anak, at iyong lalaki. Iyong anak na lalaki hindi marunong lumaban, minsan sinapak siya ng leading lady niya dahil hinalikan niya, minsan din ay iniwan siyang hubad sa gitna ng disyerto dahil sa kalasingan. Pag-uwi niya sa bahay nakita niya ang sugatan niyang ina... bilang ganti ay binuksan niya ang make-up kit ng nanay niya at ginamit ang lipstick na WAR PAINT sa mukha.sa Climax, tinalo ng bida ang kontra bida sa ilang suntok lang, hindi ko maintindihan ilang dekada nagsanay iyong assassin at daan daan ang hindi makapatumba, pero iyong bida na ilang araw lang nagaral sa ilalim ng isang unano at tinalo ang kontrabida. Iyong leading lady niya galit pa rin. Walang istorya, hindi marunong umarte, awas ang sound effects at mga arabo na nagkukung-fu.

Sa blue team salamat sa spaghetti at pagpapagamit ng court ng basketball at volleyball, salamat din sa tubig ni Agua
Sa yellow team, salamat sa mga ngiting dilaw, salamat sa makabagbagdamdaming show choir, salamat sa umaatikabong sayaw at pagkapanalo sa basketball
sa VB team, salamat sa pagsira ng isa niyong miyembro ng volleyball na gamit ng PE, salamat sa pangungulit sa gwardiya ng mga nawawalang gamit
sa Brown team, salamat mga coaching tips sa basketball, dahil sa inyo hindi ko na alam ang pinagkaiba ng bastball at mix martial arts
sa Silver team, salamat sa wallpaper at sa pagkain ng lunch sa chowking
sa Green team, salamat sa kwento tungkol sa tubero

*May isang tubero at isang Electrician /slash/ crew ng Kakanin Republic (sister company ng Lugaw republic). Minsan nasira ang lababo ni crew ng KR, tinawag si tubero. Ito palang si tubero ay long time crush niya at naging MU sila. sabi ni crew "TINAKDA TALAGANG MASIRA, sana huwag nang magawa", sabi ni Tubero "tigilan mo ako hindi ba ikaw nagpaalis sa akin noon, dapat tayo sana ngayon, hindi ako sumuko"*

Sa pink team, alam mo na... salamat sa di mapantayang ngiti na dala ng inyong show choir
Sa Red team, salamat sa................................................................................................